Tren ng LRT-1 nagkaaberya sa R. Papa Station

Michael Delizo, ABS-CBN News

Posted at Dec 11 2019 09:54 AM

MAYNILA - Naantala ang biyahe ng LRT-1 matapos magkaaberya ang isang tren nito sa bahagi ng R. Papa Station, Miyerkoles ng umaga.

Nagkararoon ng isyu ang disc pad ng tren kaya itinabi muna ito, ayon kay Jacqueline Gorospe, corporate communications head ng Light Rail Manila Corp.

Dahil dito pinairal ang 15 kilometers per hour speed restriction mula Baclaran hanggang Roosevelt stations. Bumalik na ito sa normal na operasyon dakong 8:57 ng umaga.

Tiniyak naman ni Gorospe na nagpapa-biyahe na sila ng skip trains para maserbisyuhan ang mga apektadong pasahero.

Ngayong alas-9 ng umaga, madaming pasahero ang naitala sa southbound ng Roosevelt, Balintawak, Monumento, 5th Avenue, R. Papa, Abad Santos, Blumentritt, Tayuman, Bambang at D. Jose Station. Marami ring pasahero sa northbound ng EDSA Station.

Bisitahin ang Patrol.PH para sa iba pang mga balita.