10 anyos na lalaki nalunod sa Dasmariñas

ABS-CBN News

Posted at Nov 19 2020 12:53 PM

Nalunod ang isang batang lalaki sa Dasmariñas City, Cavite. Retrato mula sa Philippine Coast Guard-Cavite

Wala nang buhay nang matagpuan nitong Miyerkoles ang isang 10 taong gulang na lalaki sa isang ilog sa Dasmariñas City, Cavite.

Ayon sa Philippine Coast Guard (PCG)-Cavite, nakatanggap sila pasado ala-1 ng hapon ng tawag tungkol sa taong nalunod sa ilog sa may Ilano Compound, Barangay San Manuel II.

Agad nagsagawa ng search and rescue operation ang PCG kasama ang Dasmariñas City Disaster Risk Reduction Management Office para mahanap ang biktima.

Makalipas ang 20 minuto, nahanap ng mga diver ang bangkay ng bata, na base sa imbestigasyon ay naligo sa ilog nang mangyari ang insidente.

Nai-turnover na ang labi ng bata sa kaniyang ama matapos ang operasyon.

Muli namang nagpaalala ang mga awtoridad sa publiko na iwasang maligo sa mga ilog, lalo na tuwing panahon na maulan at may bagyo.

FROM THE ARCHIVES:

Watch more in iWantTFC

-- Ulat ni Lady Vicencio, ABS-CBN News

Bisitahin ang Patrol.PH para sa iba pang mga balita.