Higit P11.5 milyong halaga ng pananim sa Ilocos Norte, napinsala ng El Niño

ABS-CBN News

Posted at Apr 13 2019 01:17 AM

Ayon sa agriculture office ng Ilocos Norte, P11.5 milyon na ang halaga ng mga nasirang pananim sa rehiyon dahil sa El Niño. ABS-CBN News

Umabot na ng mahigit P11.5 milyon ang halaga ng mga nasirang pananim sa Ilocos Norte dahil sa El Niño.

Sa tala ng agriculture office ng Ilocos Norte, P11.3 milyon ang halaga ng nasirang palay, habang mahigit P270,000 naman sa mais.

Ito ay report lamang mula sa bayan ng Pagudgud at Laoag City kaya inaasahang tataas pa kapag nakapagbigay na ng ulat ang iba pang bayan.

"Inaadvise-an na namin na emergency harvest pero ang hindi maganda ay kung namumulaklak pa lang ang ating mga palay ay hindi pa pwedeng harvest dahil wala pang laman ang kanilang butil," ani Ilocos Norte agriculturist Norma Lagmay.

Hindi naman daw problema ang irigasyon sa mga bayan sa silangang bahagi ng Ilocos Norte dahil madami pang tubig at paminsan-minsan din ang pag-ulan. --Ulat ni Ria Galiste, ABS-CBN News

Bisitahin ang Patrol.PH para sa iba pang mga balita.