COVID-19 cases sa Pilipinas nasa 1,418 na

ABS-CBN News

Posted at Mar 29 2020 05:20 PM

MAYNILA — Umabot na sa 1,418 ang kabuuang bilang ng mga pasyenteng nagpositibo sa coronavirus disease 2019 (COVID-19), sabi ngayong Linggo ng Department of Health (DOH).

Sa isang press briefing, sinabi ni Health Undersecretary Maria Rosario Vergeire na 343 ang bilang ng mga bagong kasong naitala ng ahensiya.

Umabot na sa 71 ang binawian ng buhay dahil sa sakit matapos makapagtala ng 3 bagong pagkamatay habang 7 ang nadagdag sa mga gumaling para sa kabuuan na 42, ayon kay Vergeire.

Nagpatupad ang gobyerno ng lockdown sa buong Luzon, kung saan hinihikayat ang publiko na manatili sa loob ng kanilang mga bahay, para maiwasan ang hawahan ng sakit.

Sa buong mundo, umabot na sa 665,616 ang nahawahan ng COVID-19 habang 30,857 na ang namatay dahil dito, ayon sa tracker ng Johns Hopkins University.

Bisitahin ang Patrol.PH para sa iba pang mga balita.