1 patay matapos mabagsakan ng sako-sakong asukal sa Negros Occidental

Nico Delfin, ABS-CBN News

Posted at Feb 23 2020 01:19 AM

Isang kargador ang namatay habang dalawa ang sugatan nang madaganan sila ng sako-sakong asukal sa storage area ng isang milling company sa Victorias City, Negros Occidental Biyernes ng hapon.

Kinilala ang nasawi na si Rico Segurida, 41, at ang mga nasugatan niyang kasama na sina Ian Malana at Roland Romalis.

Sa imbestigasyon ng pulis, maaring nagalaw ang pundasyon na siyang pinapatungan ng mga stockpile ng asukal sa Victorias Milling Co. kaya ito bumigay at bumagsak sa mga kargador.

Ayon kay Police Lt. Col. Eduardo Corpuz, ilang oras ang lumipas bago ipinaalam ng milling firm ang nangyari sa mga biktima.

Iniimbestigahan pa ang pangyayari.

Bisitahin ang Patrol.PH para sa iba pang mga balita.