Higit 200 lindol naitala sa paligid ng Bulkang Taal

ABS-CBN News

Posted at Jan 14 2020 02:59 AM

MAYNILA—Aabot sa 240 lindol ang naitala ng Philippine Institute of Volcanology and Seismology (Phivolcs) sa Bulkang Taal at mga kalapit na lugar.

Ayon kay Phivolcs Director Renato Solidum, 140 rito ay naramdaman. 

Magnitude 4.1 ang naitalang pinakamalakas habang Intensity 1 hanggang 5 ang saklaw nito.

Inaasahan pa rin ang mga lindol bunsod ng pagputok ng Taal Volcano na nakataas pa rin sa Alert Level 4. 

Una rito, sinabi ni Solidum na wala pa siyang nakikitang paghupa sa volcanic activity ng Taal, lalo't padami pa ang mga pagsabog. 

Inabisuhan ang mga nagsilikas sa danger zones at mga kalapit na lugar na huwag na munang bumalik sa kanilang mga bahay.—Ulat ni Arra Perez, ABS-CBN News
 

Bisitahin ang Patrol.PH para sa iba pang mga balita.