Mga regalo bumuhos para sa estudyanteng nagsusulat ng notes sa dahon

ABS-CBN News

Posted at Dec 17 2019 01:31 PM | Updated as of Dec 17 2019 01:32 PM

Nag-uumapaw na biyaya ang natanggap ng isang estudyante mula sa bayan ng Lianga, Surigao del Sur na nag-viral noon sa social media dahil sa retratong tampok ang pagsusulat niya sa dahon ng saging.

Watch more in iWant or TFC.tv

Handog ng programang "Rated K" ang school supplies at backpack para sa Erlande Monter, na dating hinangaan ng mga netizen nang i-post ng kaniyang guro ang kaniyang retrato na nagsusulat sa dahon ng saging imbis na sa notebook. 

Hindi raw kasi sapat ang kinikita ng mga magulang ni Monter para makabili ito ng mga gamit sa eskuwela, gaya ng papel.

Pero wala umanong makapipigil kay Monter para makapag-aral kaya nagbabaon siya ng saging noon para doon magsulat ng notes sa klase.

Binigyan rin ng programa ng mountain bike, damit, sapatos, bigas, at Noche Buena products si Monter, at pinagbakasyon sa Britania islands sa San Agustin, Surigao del Sur.

Nakatanggap na rin ng scholarship si Monter mula sa isang pari sa Canada.

Bisitahin ang Patrol.PH para sa iba pang mga balita.