ALAMIN: Sintomas ng dyspepsia o indigestion

ABS-CBN News

Posted at Dec 14 2019 06:34 PM | Updated as of Dec 14 2019 06:53 PM

MAYNILA - Kalimitang nararanasan ng tao ang dyspepsia o indigestion kapag napasobra ang kinain nito o kung may nakain itong hindi angkop sa kaniyang sikmura.

Kapag may dyspepsia, nakararanas ng pamamaga ng sikmura at kawalan ng ganang kumain ang isang tao.

Maaari ring makaramdam ng pangangasim ng sikmura ang pasyente at pagdighay. Makararamdam din ng pagbigat ng katawan ang pasyente.

Kaya sa gitna ng mga handaan ngayong Kapaskuhan, nagpaalala ang gastroenterologist na si Ruther Maralit sa mga dapat tandaan ukol sa indigestion.

Aniya, kalimitang nakukuha ang sakit na dyspepsia sa pagkain ng mga sumusunod:

  • Maaasim o prutas na maasim
  • Maaanghang na pagkain
  • Makamatis na pagkain
  • Carbonated or caffeinated food and drinks
  • Dairy products

Kapag nakaranas ng dyspepsia, mainam na pumunta sa doktor para maresetahan ng angkop na gamot.

Kung wala pang oras na pumunta sa doktor, maaaring bumili ng antacids, pero paalala ni Maralit na pansamantala lang itong aayuda sa sakit ng tiyan.

"Antacid is more of a neutralizer," paliwanag niya.

Bisitahin ang Patrol.PH para sa iba pang mga balita.