Nakakapayat ba ang pag-inom ng kape, supplements?

ABS-CBN News

Posted at Jan 24 2020 04:11 PM | Updated as of Jan 24 2020 04:19 PM

Watch more in iWantTFC

MAYNILA — Sa kagustuhang pumayat, pinipili ng ilan na uminom ng mga weight loss supplements at kape sa pag-aakalang makatutulong ito sa pagbawas ng timbang.

Pero babala ng endocrinologist na si Patrick Siy, maaaring makapinsala pa ito sa katawan. 

Paliwanag ni Siy, may mga sangkap ang supplements at kape na maaaring makasama sa kalusugan kapag sobra-sobra ang pagkonsumo nito.

"Bumibilis ang heart rates, umiinit ang katawan pero kung marami ang iniinom nagiging delikado po itong supplements," ani Siy sa programang "Good Vibes" ngayong Biyernes. 

Bagama't may mga mabuting naidudulot ang kape sa katawan, hindi daw ito makatutulong sa pagpayat kung dadagdagan ito ng labis na asukal at gatas. 

"Counterproductive po siya sa weight loss... Hindi po matutunaw ng kape ang kinakain niyo kung sobra po siya," ani Siy. 

Payo ni Siy, mas mabuting dalasan ang pag-inom ng tubig at pag-ehersisyo para pumayat. 

"Ang tubig, non-caloric so hindi ka tataba kahit marami kang ininom na tubig," ani Siy. 
 
 

Bisitahin ang Patrol.PH para sa iba pang mga balita.