Alamin kung paano maaaring kumita sa online selling

ABS-CBN News

Posted at Sep 12 2018 01:01 AM | Updated as of Sep 12 2018 01:04 AM

Watch also in iWant or TFC.tv

Sa pag-usbong ng makabagong teknolohiya, patok ngayon ang pagnenegosyo online. Sa ilang click lang, bukas na sa publiko ang iyong mga produkto.

Online selling ang nagbigay-daan para maramdaman ni Love Joy Gonzales ang magandang buhay. Nagtapos siya sa kursong Business Administration sa U.P. Diliman. Bagamat galing sa magandang eskuwelahan, gusto niyang maging boss sa sariling negosyo. 

Gamit ang puhunang ibinigay ng ama, nagtayo siya ng computer shop business sa Taytay. Umarangkada naman ito ngunit hindi rin nagtagal.

Dahil desidido na umasenso sa pagnenegosyo, nakipagsapalaran naman siya sa pagbebenta online. Nagsimula siyang magbenta ng mga damit pero bumulusok ang kanyang kita nang ipasok ang iba’t ibang uri ng mga pampaganda.

Makalipas ang tatlong taon simula ng pasukin ang online selling, nakapagpundar na ng iba’t ibang ari-arian si Lovejoy gaya ng bahay at lupa, sasakyan at tatlong physical store ng mga beauty products.

Masaya ang estado ng buhay ngayon ni Love Joy. Kumikita na siya ng sapat mula mismo sa loob ng kanyang tahanan, kapiling pa niya ang kanyang pamilya. 

Tiyak raw na makakamit mo ang tagumpay sa ganitong uri ng negosyo basta’t mayroong sipag, tiyaga, tamang diskarte at mga koneksyon sa kliyente.

Sundan ang My Puhunan online:
Microsite: news.abs-cbn.com/MyPuhunan
Facebook & Twitter: @MyPuhunan
Instagram: @mypuhunantv

Panoorin ang My Puhunan online:
www.IWANTV.com.ph (within PH)
www.TFC.tv (outside PH)
www.youtube.com/abscbnnews (episode highlights)