Buntis na nadaganan ng pader sa Davao del Sur, humihingi ng tulong

Hernel Tocmo, ABS-CBN News

Posted at Dec 18 2019 10:36 PM

Nakatakbo ang kaniyang mga kasama ngunit naiwan siya kasama ang tatlong iba pang tindero na nadaganan ng pader. John Jomao-as.

Isang babaeng 8 buwang buntis ang humihingi ng tulong matapos masugatan nang madaganan ng pader sa palengke ng bayan ng Padada, Davao del Sur noong Linggo.

Kuwento ni Darlene Montalvo, kasama niya ang mga kapwa niya tindera ng bulaklak sa palengke nang mangyari ang lindol.

Nakatakbo ang kaniyang mga kasama ngunit naiwan siya kasama ang tatlong iba pang tindero na nadaganan ng pader.

Dagdag pa ni Montalvo, agad siyang humingi ng tulong dahil nakaramdam na siya ng sakit.

Ayon kay Darlene Montalvo, tiniis niya ang sakit para mailigtas ang kaniyang ipinagbubuntis.

Ang mga pedicab driver na nasa lugar ang tumulong sa mga tinderong naipit ng pader.

Ayon kay Montalvo, tiniis niya ang sakit para mailigtas ang kaniyang ipinagbubuntis. Naisip rin umano niya ang kaniyang dalawang anak.

Dahil sa tinamong sugat sa binti, hirap sa paglakad si Montalvo at kasalukuyang nagpapahinga sa kanilang bahay.

Hiling niya na matulungan ng pamahalaan na maipagamot ang kaniyang binti, gayundin na mabigyan ng mapapagkakitaan ngayong hindi na siya makakapagtinda ng bulaklak.

Bisitahin ang Patrol.PH para sa iba pang mga balita.