Abiso ng SSS: Salary loan application maaaring gawin online

ABS-CBN News

Posted at Dec 13 2019 05:54 PM

MAYNILA — Ipinaalala ng Social Security System (SSS) nitong Biyernes na ang kanilang mga miyembro ay maaari nang mag-apply ng salary loan sa pamamagitan ng isang online portal.

"We are reminding our members that the salary loan is now available via online application through the My.SSS facility," ani SSS President at CEO Aurora Ignacio.

Sabi ni Ignacio, nakasaad sa SSS Circular 2019-014 na inaprubahan ng Social Security Commission (SSC) na lahat ng kanilang miyembro na nais mag-apply ng salary loan ay dapat nang magparehistro online.

"All they have to do is register on the My.SSS facility if they are not registered yet and select the salary loan application. For self-employed, voluntary and Overseas Filipino Workers (OFWs), the processing of the loan starts right after the submission of the application while for employed members, their employer must certify the loan application through My.SSS facility for the loan to be processed," paliwanag ni Ignacio.

Sabi pa ni Ignacio, kapag naaprubahan ang aplikasyon para sa loan ay magpapadala agad sila ng text o email.

Batay sa datos ng SSS, higit 1.46 milyong miyembro nila ang nag-avail ng salary loan mula Enero hanggang Setyembre 2019.

Aabot sa P29.98 bilyong halaga ng loan ang naipamahagi sa member-borrowers sa parehong panahon.

Bisitahin ang Patrol.PH para sa iba pang mga balita.