Mahigit P13 milyong halaga ng shabu, nasamsam sa Cavite

MAYNILA - Nasabat sa buy-bust operation ng Philippine Drug Enforcement Agency - National Capital Region (PDEA-NCR) sa kahabaan ng Emilio Aguinaldo Highway sa Imus, Cavite ang aabot sa P13.6 million na halaga ng hinihinalang shabu nitong Lunes.

Mahigit P13M halaga ng shabu, nasabat sa buy bust operation ng PDEA sa Emilio Aguinaldo Highway, Imus City, Cavite; tatlong drug suspek, arestado (📷PDEA) @DZMMTeleRadyo pic.twitter.com/IlYNtRtvdi

— Maria Arra Perez (@arraperezDZMM) September 9, 2019

Ayon kay Atty. George Paul Alcovindas, officer-in-charge ng PDEA-NCR, tatlong suspek ang naaresto.

Dalawang kilo ng shabu ang nakuha sa mga suspek.

Mahaharap ang mga suspek sa kasong paglabag sa Comprehensive Dangerous Drugs Act.