Baybayin ng Lapu-Lapu City, tambak ng basura

ABS-CBN News

Posted at Aug 28 2019 11:25 PM

Leleth Ann Rumaguera, ABS-CBN News

CEBU—Tambak ng basura ang bahagi ng baybayin ng Barangay Canjulao, Lapu-Lapu City, Cebu nitong Miyerkoles.

Ayon sa mga residente, kalimitang naiipon ang sangkaterbang basura sa lugar kung malakas ang hangin at alon.

Leleth Ann Rumaguera, ABS-CBN News

Karamihan sa mga ito ay napupunta umano sa kanilang mga bahay kapag tumataas ang tubig sa karagatan. Apektado rin sa tambak ng basura ang pagtubo ng mga mangrove.

Pagkaklaro ng mga residente, hindi galing sa kanila ang mga basura. Inaanod lamang ito sa kanilang baybayin mula sa ibang lugar.

Leleth Ann Rumaguera, ABS-CBN News

Ayon naman sa barangay, regular nila itong nililinis at kadalasang umaabot umano sa 3 trak ang nahahakot nilang basura.

Dinadala ang mga ito sa material recovery facility ng lungsod.—Ulat ni Leleth Ann Rumaguera, ABS-CBN News

Bisitahin ang Patrol.PH para sa iba pang mga balita.