Ilegal na sabong timbog sa gitna ng MGCQ sa Negros Occ, 19 arestado

Mitch Lipa, ABS-CBN News

Posted at Aug 11 2020 06:43 AM | Updated as of Aug 11 2020 07:24 AM

Nasa 19 katao ang inaresto sa umano'y ilegal na pagsasabong sa Negros Occidental, sa gitna ng modified general community quarantine sa lalawigan.

Ipinagbabawal ang sabong sa ilalim ng MGCQ at pwedeng mahaharap sa kaso ang sino mang mahuhuli na lumalabag, ayon kay Police Maj. Gil John Despi ng Escalante City Police Station.

Nasa 11 ang na-aresto sa pagsasabong noong Linggo sa Barangay Lantad sa Escalante City, Negros Occidental.

Sa Kabankalan City, 6 ang hinuli habang sa Sagay City ay 2 ang natiklo.

Nasa 41 naman na manok pansabong ang nabawi ng pulis.

Ayon sa pulis ang mga naaresto ay haharap sa kasong paglabag sa Presidential Decree 449 o ang Cockfighting Law.

Bisitahin ang Patrol.PH para sa iba pang mga balita.