64-anyos na lola, nagtapos ng elementarya sa bilangguan

ABS-CBN News

Posted at Jul 25 2018 12:18 PM

Todo-pasasalamat si lola dahil kahit na siya ay nakakulong, nabigyan pa rin siya ng tiyansa ng BJMP na makapagtapos ng pag-aaral. Screenshot

Larawan ng kagalakan habang nagmamartsa sa loob ng Metro Bacolod District Jail Female Dormitory ang 64-anyos na lola matapos nitong magtapos ng elementarya sa tulong ng alternative learning system (ALS).

Todo-pasasalamat si lola dahil kahit nakakulong siya dahil sa kasong selling and possession of illegal drugs, nabigyan pa rin siya ng pagkakataon ng Bureau of Jail Management and Penology (BJMP) na makapagtapos ng pag-aaral.

Grade 2 lang umano ang inabot ni lola dahil bata pa lang ay pinagtrabaho na siya ng kaniyang ina sa tubuhan. Maaga namang namatay ang kanyang ama.

Marami na aniyang apo si lola, kaya paalala nito sa mga estudyante na mag-aral nang mabuti.    
    
Plano na rin ng lola na magtapos ng high school kaya nag-enrol na siya ngayong taon.
    
Isa lamang si lola sa mahigit 20 persons deprived of liberty (DPL) sa district jail na nakapagtapos sa ilalim ng ALS program. 


—Ulat ni Barbara Mijares, ABS-CBN News

Bisitahin ang Patrol.PH para sa iba pang mga balita.