ALAMIN: Batas na gumagarantiya sa kaligtasan ng mga manggagawa

ABS-CBN News

Posted at Jun 26 2019 05:00 PM | Updated as of Jun 26 2019 05:19 PM

Watch more in iWant or TFC.tv

MAYNILA — Nakapailalim sa Republic Act 11058 o Occupational Safety and Health Standards Act ang pagtataguyod sa kaligtasan ng mga manggagawa sa kanilang pinagtatrabahuhan. 

Ayon kay Atty. Noel Del Prado, kabilang sa mga probisyon ng batas ang pag-abiso sa mga manggagawa sa kondisyon ng pagtatrabahuhan nilang lugar. 

"Ito ay pinag-uutos ng batas bilang responsibildad ng employer na tiyakin na may pangunahing tungkulin na panatilihin ang kaligtasan ng lahat ng nagtatrabaho," ani Del Prado sa "Usapang de Campanilla." 

May karapatan din ang manggagawa na i-report ang ano mang mamataan na "work hazard" sa trabaho, at tumanggi sa trabaho kapag may makitang matinding panganib dito. 

Dapat ding may protective gear ang mga trabahador lalo na kung mapanganib sa kaniyang kaligtasan o kalusugan ang ipinapagawa. 

Dapat ding may safety device at signs sa loob ng pagtatrabahuan. 

Meron din dapat aniyang Occupational Safety and Health Committee ang kompanya, kung saan mamumuno ang employer o kahit sinong kinatawan nito. 

Multa at pagkakakulong ang maaaring harapin ng mga namumuno sa kompanya kung mapatunayang may paglabag ito sa safety standards na itinatakda ng batas. 

Bisitahin ang Patrol.PH para sa iba pang mga balita.