Tolentino, nais dagdagan ng bituin ang watawat ng Pilipinas

Claire Cornelio, ABS-CBN News

Posted at Jun 12 2019 07:45 PM

Officials of the provincial government of Bulacan raise the Philippine flag in commemoration of National Flag Day in Malolos, Bulacan on May 27, 2019. Officially, National Flag Day is commemorated on May 28. Mark Demayo, ABS-CBN News

DAVAO CITY - Iminungkahi ni Senator-elect Francis Tolentino na dagdagan ng isa pang bituin ang kasalukuyang 3 bituin ng watawat ng Pilipinas.

Ayon sa kaniyang mensahe sa pagdiriwang ng ika-121 na anibersaryo ng Araw ng Kalayaan sa Davao City bilang panauhin, nais niyang dagdagan ng bituin ang watawat para sa Benham Rise.

"I propose a fourth star to the Philippine flag. A fourth star to reflect the Benham Rise, the future Philippines, the future land of the next generation of Filipinos," aniya.

Nais din umano ni Tolentino na ipagdiwang ang bagong kalayaan sa Pilipinas. Kabilang na dito ang kalayaan laban sa banta sa ilegal na droga, kahirapan, korapsyon, krimen at ang kalayaan sa pangangalaga sa kalikasan.

Noong nakaraang taon, iminungkahi sa Senado ang panukalang batas na maglalagay ng ika-9 na sinag ng araw sa bandila ng Pilipinas bilang pagkilala sa kabayanihan ng ating mga kapatid na Muslim.

Ngunit ayon sa isang eksperto, masisira nito ang konteksto ng kasaysayan ng watawat.

Bisitahin ang Patrol.PH para sa iba pang mga balita.