Call center sa Clark na sangkot umano sa scam, ni-raid

ABS-CBN News

Posted at Jun 07 2018 07:33 AM | Updated as of Jun 07 2018 09:14 PM

Watch more in iWant or TFC.tv

PAMPANGA - Nilusob ng mga operatiba ng Anti-Cybercrime Group ng Philippine National Police Miyerkoles ng umaga ang isang call center company sa Clark na umano'y sangkot sa scam.

Nasa 500 empleyado ng kompanya ang kasalukuyang nasa kustodiya ng pulisya.

Sa bisa ng search warrant, 3 opisina ng kompanya ang pinasok ng pulisya dahil sa reklamong estafa. 

Batay sa paunang ulat, mga foreigner umano ang sinasabing nasa likod ng operasyon na 2 taon nang nasa Clark.

Naka-cordon pa rin ang gusali habang patuloy ang isinasagawang imbestigasyon. Kinumpiska rin ng pulisya ang mga computer ng kompanya.

Nakatakda namang dalhin ang ilang foreigner at daan-daang empleyado sa Camp Crame ngayong Huwebes.

Ilang pamilya naman ng mga empleyado ang pumunta sa lugar upang alamin kung ano ang nangyari.

"Nagtatanong kami kung ano ang problema, hindi nila alam," ani ng isang ama.

"Ayon sa anak ko, sila daw nag-eendorso ng mga produkto through phone." - ulat ni Gracie Rutao, ABS-CBN News
 

Bisitahin ang Patrol.PH para sa iba pang mga balita.