Special lane para sa mga nagbibisikleta, ilalagay sa Pasig

Jeffrey Hernaez, ABS-CBN News

Posted at Jun 04 2020 07:01 AM

Maglalagay ng high priority bicycle corridor ang Pasig upang maengganyo ang mas maraming residente na gumamit ng bisikleta, ayon kay Mayor Vico Sotto nitong Miyerkoles. 

Ayon sa Facebook post ng alkalde, kailangang magsulong ng mga reporma dahil sa limitadong bilang ng pampublikong transportasyon ngayong panahon ng krisis.

Magsisimula ang high priority bicycle corridor sa bahagi ng Amang Rodriguez Avenue, dadaan ng West Bank road, C.Raymundo, A.Mabini, Dr.Sixto Avenue extention hanggang F.Manalo at Caruncho.

Maglalagay naman ng road safety treatments sa mga makikitid na kalsada at mas maraming bike racks. 

Magbibigay din ang lokal na pamahalaan ng employee transportation loans para sa mga nais bumili ng bike o scooter.

Magsasagawa din ng imformation campaign sa pagbibisikleta at road safety ang lokal na pamahalaan sa pangnunguna ng Pasig Transport Department.

Bisitahin ang Patrol.PH para sa iba pang mga balita.