Lalaking nagbebenta ng overpriced alcohol online, tiklo sa Davao

Cheche Diabordo, ABS-CBN News

Posted at Apr 03 2020 01:13 AM

Arestado ang isang lalaking nagbebenta ng overpriced alcohol online sa ikinasang operasyon ng mga awtoridad sa Guzman St., Barangay 14-B, Davao City nitong Huwebes ng hapon. 

Kinilala ang suspek na si Prince Caracol, 25 anyos. 

"Nakipag-coordinate sa atin ang intel ng Philippine Air Force dahil namonitor nila itong suspek na nagbebenta ng mahal, overpriced na alcohol online, P850 ang benta niya sa 4000ml," ani Police Capt. Rose Aguilar, spokesperson ng Davao City Police Office.

Narekober mula sa suspek ang anim na kahon na naglalaman ng 34 gallons ng alcohol na nagkakahalaga ng P28,900.

Nahaharap ang suspek sa kasong paglabag sa Price Act at Consumer Protection Act.

Bisitahin ang Patrol.PH para sa iba pang mga balita.