5 arestado dahil sa mga sangkap sa blast fishing

ABS-CBN News

Posted at Mar 28 2018 05:20 PM | Updated as of Dec 31 2018 05:17 PM

Hawak na ngayon ng Philippine Coast Guard (PCG) ang limang hindi pa pinapangalanang mga dawit sa paggawa umano ng pampasabog para sa pangingisda. 

Naaresto ng mga awtoridad ang lima sa isang raid sa barangay Lamao, Limay, Bataan. 

Ayon kay PCG spokesperson Armand Balilo, hinalughog ng kanilang mga tauhan ang kanilang target sa bisa ng siyam na search warrants.

Doon na natuklasan ang mga improvised explosive device (IED) at mga sangkap sa paggawa nito na ammonium nitrate, time fuse, at mga blasting cap.

Isinasailalim na sa medical examination ang mga nahuli bago ang kanilang inquest proceedings.

--Ulat ni Dexter Ganibe, ABS-CBN News
 

Bisitahin ang Patrol.PH para sa iba pang mga balita.