Batang nalaglag sa ilog Pasig, hindi pa rin nakikita

Anjo Bagaoisan, ABS-CBN News

Posted at Mar 02 2017 01:32 PM

Hindi pa rin nakikita ang 10-taong gulang na bata na si Jeselle Vien Pilande na nahulog umano sa ilog Pasig sa bandang Barangay Poblacion sa Makati City.

Sinasabing huling nakita ang batang babae na naglalaro kasama ang ilang kaibigan Miyerkules ng hapon.

"Sobra po akong nagulat. Wala po talagang paramdam yung anak ko na may mangyayaring masama sa kanya," ayon sa kanya.

Ayon sa kwento ng mga bata, nalaglag at nadulas ang biktima dahil bumaba ito sa gutter.

Magdamag ang paghahanap ng mga dumating na tauhan ng Philippine Coast Guard at Metropolitan Manila Developement Authority.

Patuloy na umaasa ang kamaganak ng bata na makikita pa ito.

"Nananawagan po ako sa maaring makakita sa anak ko, paki report na lang po sa Poblacion Barangay Hall po," sabi ng ina ng bata. DZMM

Bisitahin ang Patrol.PH para sa iba pang mga balita.