Bata nalunod sa dagat sa Leyte

Ranulfo Docdocan, ABS-CBN News

Posted at Feb 27 2020 02:07 AM | Updated as of Feb 27 2020 04:04 AM

Kuha ng MDRRMO Tolosa

TOLOSA, Leyte - Nalunod ang isang 12-anyos na batang lalaki habang naliligo sa dagat sa Barangay San Roque sa bayan na ito Martes ng hapon.

Sa impormasyon ng Leyte Police Provincial Office, ang biktima, kasama ang kaniyang dalawang kaibigan, ay naliligo sa dagat nang maabutan siya ng malalaking alon.

Nakita siyang humihingi ng tulong ngunit hindi siya nailigtas. 

Miyerkoles ng umaga nakita ang bangkay ng bata sa dalampasigan sa Barangay Telegrapo sa Tolosa na wala nang damit pang-itaas.

Kinumpirma ng municipal health officer ng Tolosa ang pagkalunod ng bata.

Patuloy ang imbestigasyon ng mga awtoridad sa insidente.

Bisitahin ang Patrol.PH para sa iba pang mga balita.