8 nahulog sa hanging bridge habang nanonood ng fluvial parade

Marty Go, ABS-CBN News

Posted at Jan 19 2020 07:12 PM | Updated as of Jan 19 2020 08:06 PM

Watch more in iWant or TFC.tv

KABANKALAN CITY, Negros Occidental — Walong tao ang nahulog sa hanging bridge ng Barangay Camugao dito nitong Linggo ng umaga habang nanonood ng fluvial parade na isinagawa para sa pista ni Sto. Niño.

Ayon sa City Disaster Risk Reduction Management Office, naputol ang kable ng isang bahagi ng tulay kaya't nahulog ang ilan sa mga residenteng nanonood ng parade sa Hilabangan River.

Apat sa mga nahulog ang menor de edad at isa rito ay sanggol pa lamang.

Masuwerte naman na dumadaan sa ilalim ng tulay ang parada nang mangyari ang insidente kaya't kaagad na nakaresponde ang rescuers.

Agad dinala sa pagamutan ang mga biktima.

Bisitahin ang Patrol.PH para sa iba pang mga balita.