50,000 deboto sumali sa prusisyon ng mga replica ng Nazareno

Kevin Manalo, ABS-CBN News

Posted at Jan 07 2017 09:38 PM

Procession of Black Nazarene replicas

Umabot sa humigit kumulang 50,000 deboto ang sumama sa prusisyon ng mga replica ng itim na Nazareno Sabado ng hapon.

Mula sa Plaza Miranda, nilibot ng mga deboto ang iba't-ibang kalsada sa paligid ng Quiapo hanggang sa makabalik muli sa Plaza Miranda.

Mayroon namang 2,700 na registered replica ang pinabasbasan sa mga pari.

Tila isang selebrasyon ang parada kung saan may mga sayawan at kantahan bukod sa pagdarasal.

Nasundan ng isang misa sa Minor Basilica of the Black Nazarene ang prusisyon na natapos pasado 5 p.m.

Plano ng mga deboto na magpalipas ng gabi sa Luneta Park. 

Naiwan naman sa mga kalsada ang sangkatutak na basura. 

Ayon naman sa mga pulis, naging mapayapa ang prusisyon at wala namang naitalang gulo.