Prusisyon para kay San Miguel dinumog sa Iligan

ABS-CBN News

Posted at Sep 29 2019 06:07 PM

Libo-libong deboto ang nakilahok sa prusisyon para sa pista ni San Miguel na Arkanghel sa Iligan City. Retrato mula kay Loloy Balansag

ILIGAN CITY -- Libo-libong deboto ang nakiisa sa prusisyon ng imahe ni San Miguel ngayong Linggo sa Iligan City bilang pagdiriwang ng pista ng arkanghel.

Tinatayang nasa 15,000 tao ang dumalo sa pagdiriwang ng pista.

Kaniya-kaniyang pakulo ang mga sumali gaya ng pagsayaw habang bitbit ang mga replika ng santo at pagbibihis gaya ni San Miguel habang nagsasayaw ng war dance.

Binasa rin ng mga bombero ang mga dumalong deboto.

Ang ilang deboto ay nanguha ng mga bulaklak sa karo ni San Miguel, na pinaniniwalaang nagdadala ng suwerte.

Limang oras din nag-jam ng signal ng telecommunication services para matiyak ang seguridad ng okasyon at maiwasan ang mga tangka ng pambobomba. -- Ulat ni Roxanne Arevalo, ABS-CBN News

Bisitahin ang Patrol.PH para sa iba pang mga balita.