ALAMIN: Paano pakalmahin ang sarili tuwing nagagalit

ABS-CBN News

Posted at Jul 17 2019 01:15 PM | Updated as of Jul 17 2019 02:15 PM

Watch more in iWant or TFC.tv

MAYNILA — Likas sa isang tao na makaramdam ng galit, pero ayon sa isang espesiyalista ay posible itong humantong sa mga masasamang epekto. 

Ayon sa family counselor na si Paolo Martin Trinidad, may paraan para mapakalma ang sarili sakaling makaramdam ng galit sa isang bagay o tao. 

Tinatawag umano itong "cognitive behavioral therapy" na layong ipaintindi sa nagagalit kung bakit niya nararamdaman ang naturang emosyon. 

"Iyung anger na 'yan nag-a-affect sa brain o sa emotions mo. Nagse-send ng signals doon, tapos nasa iyo kung natuto ka nang i-manage iyan kung paano ka magre-respond diyan. Iyan dapat ang matutunan natin," ani Trinidad sa "Sakto" ng DZMM. 

Una aniya ay dapat tumahimik at huminga nang malalim ang nagagalit.

"Tumahimik muna, huminga nang malalim. Pinatatahimik ka muna kasi may trigger bago ang thoughts."

Dito na aniya maaaring isipin ng tao kung ano ang sanhi ng kaniyang galit at kung paano siya tutugon dito, na kung tawagin ay "emotional maturity." 

Kung madalas umanong magalit ang isang tao ay maaari aniyang sakit na ito o may mga imbalance ng hormones sa katawan. 

Bisitahin ang Patrol.PH para sa iba pang mga balita.