Punong-barangay sa Iloilo gumagawa ng home decor para mapondohan ang frontliners

ABS-CBN News

Posted at May 19 2020 12:19 PM

Gamit ang recycled materials, gumagawa ng mga home decorations ang punong-barangay na si Roger Capalay Cabalar ng Barangay Capitan Fernando sa bayan ng Leon gamit ang plastic na bote ng softdrinks. Photos courtesy: Gabriel Cantomayor.

Kakaibang diskarte ang naisip ng isang punong-barangay sa Leon, Iloilo para matulungan ang mga frontliner na nakikipaglaban sa coronavirus disease 2019 (COVID-19). 

Gamit ang recycled materials, gumagawa ng mga home decorations ang punong-barangay na si Roger Capalay Cabalar ng Barangay Capitan Fernando sa bayan ng Leon gamit ang plastic na bote ng softdrinks. 

Ilan lamang sa halimbawa rito ang paggawa ng pen holder at makukulay na mga palamuti, na ibinebenta nang P50. 

Ang kita mula rito, ginagamit aniyang pambili ng pagkain at supplies para sa mga nagbabantay sa kanilang barangay. 

"Ginabakal namun sang pamahaw, dapli sa panyaga pero ang iban namun nga bulak ginahatag namun sa nagahatag man sa amon sang pamahaw."

(Binibili namin ng meryenda o ulam sa tanghalian. Pero ang iba namang bulaklak ay ibinibigay namin sa mga nagbibigay din ng pagkain sa mga nagbabantay sa barangay.)

Kasalukuyang naka-general community quarantine ang Iloilo. 

-- Ulat ni Regi Adosto, ABS-CBN News

Bisitahin ang Patrol.PH para sa iba pang mga balita.