Taas-presyo sa ilang Noche Buena products inaasahan

ABS-CBN News

Posted at Oct 29 2019 08:34 PM

Ilalathala sa Huwebes ang bagong suggested retail price ng mga produktong madalas inihahanda tuwing Noche Buena o iyong salusalo sa gabi bago ang Pasko, ayon sa opisyal ng Department of Trade and Industry (DTI).

Watch more in iWant or TFC.tv

May pagtaas sa presyo ng Noche Buena products pero bahagya lang daw ito matapos pakiusapan ng DTI ang manufacturers, ani Trade Assistant Secretary Ann Claire Cabochan.

Kabilang sa mga produktong maaaring tumaas ang presyo ay ang hamon, keso, pasta, fruit cocktail, at condensed milk.

Go signal na lang ni Trade Secretary Ramon Lopez ang hinihintay bago payagan ang dagdag-presyo.

-- Ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.