Presyo ng diesel may higit P1 rollback

MAYNILA — Magkakaroon ng tapyas-presyo sa mga produktong petrolyo simula Martes, base sa komputasyon ng mga taga-industriya.

Malaki-laki ang rollback sa presyo ng diesel na mahigit P1 ang itatapyas.

Tinatayang rollback sa petrolyo simula Martes:

• Diesel → P1.10-P1.20/litro
• Gasolina → P0.50-P0.60/litro
• Kerosene → P1.20-P1.30/litro

Pero may ilang kompanya ng langis na una nang nag-anunsiyo ng bawas-singil nitong Sabado ng hapon pa lang.

Price Advisory: Phoenix Petroleum Philippines will DECREASE the prices of GASOLINE by P0.50 per liter and DIESEL by P1.10 per liter effective TODAY 2pm of 10 August 2019. Thank you.

— alvin elchico (@alvinelchico) August 10, 2019

Rollback ng Phoenix Petroleum 

•  Diesel → P1.10/litro
•  Gasolina → P0.50/litro
•  Kerosene → P1.30/litro

[BOLD] Rollback ng Clean Fuel

• Diesel → P1.10/litro
• Gasolina → P0.50/litro

Paliwanag ng mga taga-industriya, ang tensiyon pa rin sa pagitan ng Amerika at China ang dahilan ng paghina ng presyo ng langis.
    
Mas malaki pa dapat ang rollback kung hindi lang humina ang palitan ng piso kontra dolyar.

—Ulat ni Alvin Elchico, ABS-CBN News