ALAMIN: Mga trabaho para sa mga nagtapos ng kursong komunikasyon

ABS-CBN News

Posted at Jan 21 2018 08:56 PM

Watch more in iWant or TFC.tv

Iginiit ng isang eksperto na maraming trabahong maaaring pasukin ang mga taong nagtapos ng kursong komunikasyon, bukod sa industriya ng mass media at pamamahayag.

Ayon kay Ramon Tuazon, pangulo ng Asian Institute of Journalism and Communication (AIJC), hindi dapat nalilimita sa ilang skill set ang communication.

"Binabasag na rin natin 'yong myth na if you're a graduate of communication, na-li-limit ka lang sa mass media," ani Tuazon.

"They can work in all sectors, they can work in different industries," aniya.

Sa memorandum ng Commission on Higher Education (CHED) sa core communication competency, kabilang sa mga dapat matutunan ng isang nag-aaral ng komunikasyon ang mga sumusunod:

• Development communication
• Risk, disaster at humanitarian communication
• Knowledge management
• Civic engagement at participatory communication.

Pawang may kinalaman sa pagtulong at pagpapabuti sa kapakanan ng mga tao at ng komunidad ang mga nasabing asignatura.

Ayon sa AIJC, bukod sa mass media at pamamahayag, kabilang sa iba pang trabahong maaaring pasukin ng isang communication practitioner:

• Content development and management
• Digital and online marketing
• Social media management
• Editorial management
• Media and communication planning
• Events management
• Stakeholders relation
• Knowledge management

'Flexible'

Kumuha ng kursong communication si Patricia Podolig at nagtapos bilang magna cum laude.

Dahil bihasa siya sa pagbuo ng network at pagpaplano, communication relations manager ang naging trabaho niya.

"Comm graduates are very flexible and we should break the dogma that comm graduates should be limited to just venturing into media, journalism," sabi ni Podolig.

Nasa planning unit ng isang government office sa Quezon City naman si Jire Isles, na nagtapos ng kursong Development Communcation sa University of the Philippines sa Los Baños.

Kapuwa naniniwala sina Podolig at Isles na maraming pinto ang nabubuksan ng kursong komunikasyon na daan sa iba't bang trabaho.

-- Ulat ni Zen Hernandez, ABS-CBN News

Bisitahin ang Patrol.PH para sa iba pang mga balita.